Olsa Muhameti ka vendosur t’u përgjigjet disa prej pyetjeve të ndjekësve rreth mënyrës se si funksionon “Big Brother VIP”, duke prekur edhe një prej temave që ka shkaktuar shpesh diskutime: rolin e produksionit në dhomën e rrëfimit.
Një ndjekës e pyeti se cili është, sipas saj, perceptimi më i gabuar që publiku ka për mënyrën se si funksionon formati.
Përgjigjja e Muhametit lidhej pikërisht me pretendimet se produksioni mund të ndikojë lojën dhe sjelljen e banorëve përmes bisedave që zhvillohen larg kamerave të shtëpisë.
“Se produksioni ndikon lojën e banorëve përmes dhomës së rrëfimit…”, shkroi ajo, duke e cilësuar këtë si një perceptim të gabuar.
Muhameti ishte kategorike në qëndrimin e saj: “Totalisht gabim, nëse do të ishte ashtu, do të ishte fake dhe formati nuk do të kishte sukses”.
