Drama e ndarjes mes Hande Erçelit dhe Hakan Sabancit sapo ka marrë një kthesë edhe më tronditëse!
Pas javësh të tëra thashethemesh, ka reaguar për herë të parë nëna e Hakanit, Arzu Sabanci – dhe në fakt, me fjalët e saj ajo ka bërë indirekt atë që as Hande e as Hakan nuk e kanë bërë kurrë publikisht: ka konfirmuar ndarjen!
Në deklaratën e saj, Arzu është shprehur: “Nuk kemi ndërhyrë kurrë në jetën private të djalit tonë. Vendimi i ndarjes ishte i tyre dhe vetëm i tyre.”
Një fjali që ka shuar çdo dyshim: çifti i shumëpërfolur nuk është më bashkë.
Por kjo nuk është e gjitha. Vetëm pak ditë më parë, zonja e hekurt e familjes Sabanci kishte shpërndarë një mesazh misterioz në Instagram: “Injoranca është si gjumi, reagimi i parë është zemërim.” Një status që u lexua gjerësisht si një thumb i drejtpërdrejtë ndaj Hande-s, duke treguar se tensionet kanë qenë të vërteta.
Publiku është i ndarë: disa e shohin këtë si një përpjekje për të shpëtuar imazhin e familjes më të përfolur të Turqisë, të tjerë besojnë se kjo është e vërteta e zhveshur.
Një gjë është e sigurt: ndarja Hande–Sabanci ka kaluar nga një histori dashurie përrallore, në një dramë që sot po komentohet si “seriali më i ndjekur jashtë ekranit.”
