Burrat e famshëm shqiptarë duket se kanë hyrë fuqishëm në garën për pamjen perfekte.
E një gjë e tillë po ndodh pikërisht në kohën kur filtrat, dritat e studios dhe kamerat e teknologjisë së fundit zhdukin çdo rrudhë e kjo, siç duket, nuk mjafton për ta.
Nga reperët që dikur mburreshin me “look”-un e rrugës, e deri te këngëtarët që sot shfaqen me fytyra të rafinuara nëpër klipe, trendi i ndërhyrjeve estetike po merr një dimension të ri atë mashkullor.
Ajo që dikur konsiderohej tabu, sot është pjesë e rutinës së shumë personazheve publikë apo VIP-ash: hundë më e drejtë, veshë më të vegjël, mjekër më të theksuar, e madje edhe buzë pak më të fryra.