Ky është banori i Big Brother që raportohet se ka qenë i arrestuar për dhunë në familje

Reperi kosovar Ensar Elshani, i njohur me emrin artistik Fuego, është bërë pjesë e edicionit të pestë të “Big Brother VIP Kosova”.

Para hyrjes në këtë format, emri i tij ishte përmendur në media lidhur me një rast të dyshuar të dhunës në familje.

Vitin e kaluar, reperi ishte arrestuar dhe ndaluar nga policia pas një incidenti për të cilin dyshohej dhunë në familje. Rasti ishte raportuar në media në atë kohë, shkruan “Kosovarja”.

Tashmë, Fuego i është bashkuar banorëve të tjerë të shtëpisë, duke deklaruar se përmes këtij formati dëshiron që publiku të njohë edhe anën tjetër të personalitetit të tij.