Gjesti në një lidhje dashurie? Ndezet rrjeti nga fotografitë e fundit

Fituesi i edicionit të katërt të Big Brother VIP Albania, Gjesti, po vazhdon të jetë në qendër të vëmendjes edhe pas përfundimit të spektaklit që e bëri një nga figurat më të përfolura të momentit.

Aktiviteti i tij në rrjetet sociale është i rregullt dhe shpeshherë shoqërohet me postime që nxisin kureshtjen dhe debatet në publik.

Së fundmi, artisti pejan ka publikuar një InstaStory që ka tërhequr menjëherë vëmendje. Në imazhin e shpërndarë, ai shfaqet duke pozuar në pasqyrë dhe dora e një femre te qafa.

Edhe pse identiteti i vajzës nuk zbulohet, fotoja ka mjaftuar që në rrjet të nisin spekulimet.

Pjesa më e madhe e ndjekësve po pyesin nëse bëhet fjalë për një romancë të re, apo thjesht një sekuencë nga një projekt muzikor që ai mund të jetë duke përgatitur.

Kjo nuk do të ishte hera e parë që artistët përdorin situata të tilla për të krijuar zhurmë mediatike për klipet e tyre, megjithatë mungesa e një sqarimi nga ana e Gjestit vetëm sa i ka shtuar misterin këtij postimi.

Kujtojmë se gjatë qëndrimit të tij në shtëpinë e Big Brother VIP Albania, Gjesti u përfshi në një romancë me këngëtaren Egli Tako – një marrëdhënie që u komentua gjatë si brenda ashtu edhe jashtë shtëpisë.