Këngëtari i njohur Besart Kelmendi i njohur si Gjesti, ka dorëzuar kallëzim penal ndaj kompanisë ”Onima”, shkruann Gazeta Demos.
‘ ‘S’po lypi kurgjo as ma shumë as ma pak, veç të drejtat e mia” , tha Gjesti para objektit të Gjykatës Themelore të Prishtinës.
Ndërkaq avokati i tij tha ‘ ‘se në bazë të ligjit për të drejtat e autorit, është e ditur se të drejtat ekonomike janë të drejta që i takojnë ekskluzivisht autorit në këtë rast Gjestit, kështu që Gjesti na ka paraqitë një kontratë në bazë të së cilës janë shitur të drejtat e autorit dhe aty shkruan si palë nënshkruese e kësaj kontrate që është edhe Gjesti. Gjesti asnjëherë nuk e ka nënshkruar atë kontratë, asnjëherë nuk ka qenë në dijeni të ekszistimit të kësaj kontrate dhe as nuk e ka parë më herët, kështu që në bazë të kodit penal, këto veprime që gjenden në atë kontratë pra si dhe pasojat që kanë derivu sipas saj përbëjnë vepër penale dhe për këto arsye kemi paraqit kallëzimin penal që është për dy vepra të cilat pretendojmë se janë kryer në bashkëkryerje dhe kemi propozuar që të ndërmerret edhe ekspertiza për evidentimin e nënshkrimit që nëse është nënshkruar prej Gjestit apo ndonjë personi tjetër. Ka prova të mjaftueshme dhe jemi të gatshëm që të sjellim edhe prova tjera apo çka do që është nevojshme”, tha avokati i Gjestit.