Mbetjet mortore të aktorit kanadez Stewart McLean, i njohur për rolet e tij në serialet televizive “Virgin River” dhe “Arrow”, janë gjetur një javë pasi ai u raportua i zhdukur.
Policia ka konfirmuar se vdekjen e tij po dyshohet si vrasje, raporton People.
Ekipi i Integruar i Hetimit të Vrasjeve i Kanadasë (IHIT) njoftoi të premten, më 22 maj, se mbetjet mortore të McLean u gjetën në zonën e Lions Bay të British Columbia.
Aktori, 45 vjeç, u pa për herë të fundit në shtëpinë e tij në të njëjtën zonë të premten, më 15 maj, dhe u raportua i zhdukur në policinë e Squamish të hënën, më 18 maj.
Hetuesit besojnë se ky është një incident i izoluar. Ata thanë në një deklaratë se kanë punuar me agjencitë partnere për të gjetur McLean që kur u raportua zhdukja.
“Ndërsa hetimi përparon, hetuesit e vrasjeve po mbledhin dhe analizojnë prova, po shqyrtojnë pamjet e kamerave të sigurisë dhe po kryejnë intervista për të përpiluar një kronologji të lëvizjeve të z. McLean deri më 15 maj 2026”, tha kaporalja e IHIT, Esther Tupper
