Ish-finalistët e “Big Brother VIP Kosova 4”, Elijona dhe Klodi, vazhdojnë të jenë në qendër të vëmendjes së medieve rozë.
Që nga përfundimi i rrugëtimit të tyre brenda shtëpisë më të famshme në Kosovë disa muaj më parë, ata kanë qenë vazhdimisht në shënjestër për shkak të raportit të tyre të ngushtë dhe faktit që shihen gjatë gjithë kohës bashkë. Dyshimet u shtuan akoma më shumë pas postimeve të tyre të fundit nga Jugu, ku fotot e përbashkëta dhe shkëmbimi i “zemrave” lanë të nënkuptohet se marrëdhënia e tyre ka kaluar në një tjetër nivel.
Këto dyshime duket se janë konfirmuar përfundimisht ditën e djeshme, ku dyshja është fotografuar në momente mjaft intime në “Alba Festival”.