Dafina prishet edhe me Feron, akuza nga menaxhmenti i këngëtares

Një pjesë e shkurtër e këngës së shumëpërfolur mes Dafina Zeqirit dhe Feros ka qarkulluar në TikTok ditën e djeshme, duke ndezur rrjetin me reagime dhe dyshime për një bashkëpunimin e paralajmëruar mes tyre.

Por sot gjatë ditës, menaxhmenti i artistes reagoi publikisht, duke mohuar se versioni i publikuar është projekti final.

Sipas deklaratës së “Moneyz Music”, e ndarë gjithashtu nga vetë Dafina në InstaStory, versioni që ka dalë është vetëm një demo, një ide e papërfunduar, dhe jo materiali që do të lançohet zyrtarisht. “Versioni me ‘feat’ nuk është pjesë e lançimit dhe nuk do të publikohet,” thuhet në komunikatë.

Në këtë mënyrë, menaxhmenti i Dafinës lë të kuptohet se kënga është shpërndarë pa leje, duke e konsideruar “leak” nga pala tjetër. Projekti përfundimtar, sipas tyre, do të vijë vetëm në versionin solo të Dafinës.

Ky duket të jetë raporti i radhës i prishur nga këngëtarja në estradë.