Xhafer Tahiri prezanton kandidatët për asmable komunale: Ju jeni fytyra e besimit

Kandidati i Lidhjes Demokratike të Kosovës për kryetar të komunës së Vushtrrisë, Xhafer Tahiri, ka publikusr listën e kandidatëve për asamble komunale.

Ai u shpreh se lista e LDK-së nuk përfaqëson thjesht emra, por njerëz me integritet, profesionistë dhe të përgatitur për të marrë përgjegjësi.

“Shoh gra të forta, profesioniste të përgatitura, burra me përvojë, me dije e me dashni për këtë vend. Kjo është forca jonë – që kemi njerëz të vërtetë, me histori të vërteta.”

I plotë :

Sot nuk po flas veç si kryetar, po si shok i juaji, si bashkudhëtar në një rrugë që e kemi nisë bashkë.

Kur shoh këtë listë, s’shoh veç emra. Shoh gra të forta, profesioniste të përgatitura, të gatshme me marrë përgjegjësi e me kthy besimin te qytetari.

Shoh burra me përvojë, me dije e me dashni për këtë vend. Kjo është forca jonë – që kemi njerëz të vërtetë, me histori të vërteta.

Prioriteti ynë ma i madh është familja – nënat që mbajnë mbi supe krejt sakrificën, prindërit që punojnë për fëmijët, të rinjtë që ëndërrojnë një të ardhme ma të mirë.

Ju jeni fytyrat që qytetari do t’i besojë, zërat që do ta mbrojnë secilën shtëpi, secilën nënë, secilin fëmijë.

Ju jeni fytyrat që qytetarët do t’i shohin kur të pyesin veten a ia vlen me besu prapë.

Na pret punë e madhe, po edhe nder i madh. Hajde ta bëjmë këtë rrugë me besim e me dashni për qytetin tonë.

Se pushteti vjen e shkon, po ajo ndjenja që ke punu për njerëzit e tu, ajo mbetet gjithmonë!

E për mu, kjo është fitorja ma e madhe.