Vetura i godet dy këmbësore në Shirokë të Suharekës, dërgohen për trajtim mjekësor

Një aksident trafiku ka ndodhur sot, rreth orës 18:50, në fshatin Shirokë të Suharekë s.

Lajmin për Sinjalin e ka konfirmuar zëdhënësi i Policisë së Kosovës për rajonin e Prizrenit, Shaqir Totaj, i cili ka bërë të ditur se një automjet ka goditur dy këmbësore femra derisa ato po kalonin rrugën në vendkalimin e shënuar për këmbësorë.

Si pasojë e aksidentit, të dyja këmbësoret kanë pësuar lëndime të lehta trupore dhe janë dërguar në Qendrën e Emergjencës për t’u dhënë ndihma mjekësore.

“Njësitë e Policisë së Kosovës kanë dalë menjëherë në vendin e ngjarjes dhe po hetojnë rastin me qëllim të sqarimit të rrethanave të aksidentit”, tha tutje ai.