Vetura godet për vdekje këmbësorin në Zllapek të Pejës, shoferi ikë nga vendi i ngjarjes

Një aksident i rëndë ka ndodhur në fshatin Zllapek të komunës së Pejës, ku si pasojë një këmbësor ka vdekur në vendin e ngjarjes.

Lajmin e ka konfirmuar zëdhënësi i policisë për rajonin e Pejës, Fadil Gashi.

I njëjti njoftoi se vozitësi i veturës është arratisur.

“Rreth orës 11:00 policia ka marrë informatën për një aksident në fshatin Zllapek. Një veturë ka goditur një këmbësor dhe mjeku kujdestar ka konstatuar vdekjen në vendin e ngjarjes. Vozitësi i veturës është arratisur ndërsa vetura ndodhet aty”, tha Gashi