Një shtetas i Kosovës ka humbur jetën në Maqedoni të Veriut, pas një vetaksidenti në magjistralen Deve Bair – Kriva Pallankë.
Sipas njoftimit të Ministrisë së punëve të Brendshme atje, viktima doli nga rruga dhe ra në greminë.
Lajme
Vdes kosovari në Maqedoni të Veriut, kamioni doli nga rruga dhe ra në greminë
I ndjeri ishte 56-vjeçar dhe vdekja e tij u konstatua në vendin e ngjarjes.
“Më 21.01.2026, në orën 04:50, në NJPB Kriva Pallankë është denoncuar se në rrugën magjistrale Vendkalimi Kufitar Deve Bair – Kriva Pallankë, në zonën e f. Uzem, rrethina e Kriva Pallankës, një mjet transportues “Skania” me targa të Kosovës, i drejtuar nga N.H. (56) nga Kosova, doli nga rruga dhe ra në greminë. Nga lëndimet e pësuara në vendin e fatkeqësisë ndërroi jetë shoferi N.H., ndërsa mjeku i Ndihmës Urgjente Mjekësore konstatoi vdekjen. Është bërë këqyrja e vendit të ngjarjes, ndërsa me urdhër të prokurorit publik, trupi i të ndjerit është dërguar për autopsi” – ka njoftuar MPB atje.