Gjendja e zjarreve mbetet e brishtë në vend me vatra të reja të shfaqura sot, përfshirë një situatë të rënduar në disa fshatra të Klinës.
Drejtori i Agjencisë për Menaxhim Emergjent, Genc Metaj thotë se sot janë shfaqur zjarre të reja, teksa thekson se gjendja më e rënduar është në fshatin Dush të Klinës dhe kanë ftuar KFOR-in për ndihmë.
“Në fshatin Dush të Klinës për shkak të terrenit të papërshtatshëm kemi kërkuar ndihmën e KFOR-it me helikopter dhe jemi në pritje të përgjigjes. Përndryshe ekipet janë në terren dhe janë duke bërë të pamundur për lokalizim të zjarreve”, theksoi ai.
Portali lokal Klina.info ka publikuar disa video ku shihet se disa fshatra të kësaj komune po përballen me zjarre, ku gjendja më e rënduar paraqitet në fshatrat, Siqevë, Dresnik, Dushë dhe Shtupel, shkruan Reporteri.net.
