Ushtarë nga Lituania, Danimarka, Turqia, Finlanda dhe Gjermania, së bashku me personelin e Aviacionit të Ushtrisë Amerikane të KFOR-it, zhvilluan trajnim me ngarkesë me litar, në kampin e Novosellës.
Sipas KFOR-it, trajnimi me ngarkesë me litar u mundëson njësive të aviacionit të transportojnë me shpejtësi dhe siguri furnizimet thelbësore në skenarë të vështirë, duke përmirësuar shpejtësinë operative, saktësinë, efikasitetin dhe ndërveprimin shumëkombësh.
“Këto aktivitete kryesore trajnuese sigurojnë që KFOR-i të mbetet i gatshëm për mision dhe i aftë t’i përgjigjet në mënyrë efektive sfidave logjistike, duke kontribuar në një mjedis të sigurt për të gjithë njerëzit që jetojnë në Kosovë” thuhet në njoftim.
KFOR-i vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
