U nisën nga Shtimja për në Suharekë me motoçikletë – iu doli një qen – dalin detaje se si vdiq 40-vjeçarja në Qafë të Duhlës

Një ngjarje e rëndë është shënuar mëngjesin e sotë, rreth orës 06:57, në magjistralen Suharekë-Shtime, tek vendi i quajtur “Qafa e Duhlës”, ku një grua humbi jetën, raporton GazetaDemos.

Çifti, shtetas nga Maqedonia e Veriut, burri A.S rreth 46-vjeçar, dhe gruaja e tij D.M 40-vjeçare, ishin nisur me një motoçikletë nga qyteti i Shtimës në drejtim të qytetit të Suharekës.

Rrugës teksa të njëjtit po udhëtonin, një qen endacak u doli në rrugë, si pasojë e të cilit A.S humb kontrollin mbi motoçikletë dhe përplasen.

Nga kjo përplasje, gruaja e tij ka mbetur e vdekur në vendin e ngjarjes, teksa veë drejtuesi i mjetit ka pësuar lëndime.

Lajmin e ka konfirmuar vet Policia e Kosovës, të cilët po ashtu njoftuan se me të pranuar informacionin, ekipet e tyre dhe të Emergjencës kan= dal në vendin e ngjarjes, ku mjeku ka konfirmuar vdekjen e viktimës derisa i është dhënë ndihma mjekësore të lënduarit.

Të gjitha veprimet policore janë duke u ndërmarr konform procedurave atë parapara me ligj, teksa hetimet lidhur me rastin janë duke vazhduar.

Me vendim të Prokurorit, trupi i pajetë i viktimës dërgohet në Institutin e Mjekësisë Ligjore për autopsi.

Në njoftimin e PK-së gjithashtu bëhet e ditur se magjistralja Suharekë – Shtime është e qarkullueshme për lëvizjen e qytetarëve.