Zyrtari policor i suspenduar muajin e kaluar është rikthyer në punë. Bëhet fjalë për rreshterin policor, Gëzim Millaku.
Rreshteri Gëzim Millaku u suspendua nga puna në Polici të Kosovës si shkak i një ngjarje që raportohet të ketë ndodhur një vit më parë, ku raportohej për një sulm ndaj eskortës së kryeministrit Albin Kurti nën dyshimin se ky sulm ishte kryer nga Sami Lushtaku, Kryetar i Skenderajt.
E deri tek suspendimi i Millakut kishte ardhur pas disa hetimeve të kryera brenda policisë.
Sipas informatave të para pretendohej se Millaku e kishte ndryshuar një deklaratë në lidhje me një incident që pretendohet se ndodhi vitin e kaluar mes eskortës së Kurtit dhe veturës së Sami Lushtaku.
E përfundimi i masës së suspendimit për lajmi.net e konfirmuan edhe nga Policia e Kosovës. Policia në përgjigjen e dhënë për lajmi.net njoftoi se procedura zyrtare e përcaktuar ndaj Milllakut për masën e suspendimit është ndërprerë para pak ditësh.
“Lidhur me kërkesën tuaj u njoftojmë se sipas procedurave zyrtarit në fjalë i është ndërprerë masa e suspendimit me datën 02.07.2026 dhe ka filluar punën në PK”.
