Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

Tri protesta sot në Prishtinë: Organizatat për mbrojtjen e fëmijëve, punëtorët e KEK-ut dhe studentët

GD
Gazeta Demos19 nëntor 2026 në 09:21
Tri protesta sot në Prishtinë: Organizatat për mbrojtjen e fëmijëve, punëtorët e KEK-ut dhe studentët

Tri protesta të ndara do të mbahen sot në Prishtinë, ku organizatat për mbrojtjen e fëmijëve, punëtorët e Korporatës Energjetike të Kosovës (KEK) dhe studentët do të shprehin pakënaqësitë dhe do të paraqesin kërkesat e tyre.

Protesta e parë është paralajmëruar për në orën 10:00, në sheshin “Ibrahim Rugova”, nga Koalicioni i OJQ-ve për Mbrojtjen e Fëmijëve (KOMF) dhe Rrjeti i Grave të Kosovës.

KOMF përfaqëson 35 organizata anëtare, ndërsa Rrjeti i Grave të Kosovës ka 108 organizata anëtare. Përmes kësaj proteste, ato kërkojnë rritjen e buxhetit për shërbimet sociale, duke vlerësuar se mjetet e ndara aktualisht nuk i mbulojnë nevojat reale të këtij sektori.

Kërkesa e tyre u drejtohet 120 deputetëve të Kuvendit të Kosovës, të cilëve u bëhet thirrje që të sigurojnë financim të mjaftueshëm dhe të qëndrueshëm për shërbimet sociale në kuadër të Buxhetit të vitit 2027.

Protesta e organizatave pritet të përfundojë në orën 11:00.

Një orë më vonë, në orën 11:00, protestë do të mbajnë edhe punëtorët e Korporatës Energjetike të Kosovës. Sindikata e Re e Punëtorëve të KEK-ut ka paralajmëruar tubimin para Drejtorisë së KEK-ut, në objektin Toskan në Prishtinë.

Punëtorët kërkojnë rritjen dhe nivelizimin e pagave, si dhe realizimin e pagesës së pagës së 13-të.

Sipas sindikatës, përmes protestës synohet të kërkohet trajtim dinjitoz dhe vlerësim i drejtë për punën dhe sakrificën e punëtorëve.

Po ashtu, sindikata ka ngritur shqetësime lidhur me sëmundjet profesionale me të cilat, sipas saj, përballen disa punëtorë, duke shprehur dyshime se ato mund të jenë të lidhura me kushtet e punës.

Ndërkaq, protesta e tretë do të mbahet në orën 11:30, para Rektoratit të Universitetit të Prishtinës, me organizim të Parlamentit Studentor.

Studentët kanë paralajmëruar protestë pas një emaili që, sipas tyre, përmban kërcënime nga rektori i Universitetit të Prishtinës.

Parlamenti Studentor i ka cilësuar të papranueshme kërcënimet dhe presionet, duke vlerësuar se veprime të tilla cenojnë sigurinë e studentëve, lirinë e shprehjes dhe mjedisin akademik.

Përmes protestës, studentët kërkojnë që Universiteti i Prishtinës të mbetet një hapësirë e sigurt, ku respektohen liria e shprehjes dhe parimet demokratike.

protestapunëtorëtprishtinë

Të ngjashme

2500 konsumatorë mbetën pa rrymë në Prishtinë, KEDS: Furnizimi u rikthye pas një pune intensive

2500 konsumatorë mbetën pa rrymë në Prishtinë, KEDS: Furnizimi u rikthye pas një pune intensive

22:14
Ndalet për 48 orë zyrtari i Gjykatës Themelore në Prishtinë, dyshohet se krijoi dosje fiktive për regjistrimin e një prone

Ndalet për 48 orë zyrtari i Gjykatës Themelore në Prishtinë, dyshohet se krijoi dosje fiktive për regjistrimin e një prone

15:20

Më shumë nga Lajme

  • 09:41Kosova në mesin e vendeve më të sigurta në Evropë, Sveçla: Siguria e qytetarëve mbetet prioritet
  • 09:40Përgatitjet për dimër, Ministria e Infrastrukturës dhe Policia koordinohen për mirëmbajtjen e rrugëve
  • 09:27Nën masa të shtuara sigurie, Jakup Krasniqi arrin sërish tek familja
  • 09:23Në Kosovë por jo tek familja, ku qëndroi mbrëmë Jakup Krasniqi?
  • 09:11Vazhdon edhe sot vizita e Jakup Krasniqit, rikthehet sërish në shtëpi