Një 33-vjeçar shqiptar ka humbur jetën pas një aksidenti të rëndë rrugor me motor, që ndodhi mbrëmjen e së martës, në provincën e Pistoias, në Itali.
Viktima është Maksim Sinani, i cili nuk arriti t’u mbijetojë plagëve të rënda dhe vdiq gjatë natës në spital.
Sipas mediave italiane, Sinani po udhëtonte me motorin e tij në drejtim të Pistoias, së bashku me një grup motoristësh, kur u përplas ballë për ballë me një veturë që po vinte nga drejtimi i kundërt.
Përplasja ishte jashtëzakonisht e fortë dhe si pasojë e goditjes, 33-vjeçari u hodh rreth 50 metra larg vendit të aksidentit.
Ai pësoi dëmtime të shumta në trup dhe plagë të rënda në njërën këmbë, ndërsa motori i tij u shkatërrua plotësisht.
