Theret për vdekje një person në Mitrovicë

Një ngjarje e rëndë ka ndodhur mbrëmë rreth orës 22:00, në Mitrovicë, ku një person ka mbetur i vdekur si pasojë e plagëve nga një mjet i mprehtë.

Lajmin e ka konfirmuar Policia e Kosovës, ku ndër tjera njoftoi se në vendin e ngjarjes ka mbetur edhe një person i lënduar, gjithashtu nga thika.

I njëjti pas tretmanit të pranuar në emergjencën e Spitalit Rajonal në Mitrovicë është dërguar për tretman të mëtutjeshëm në Shërbimin Spitalor Klinik Universitar të Kosovës (SHSKUK).

Sipas informacioneve nga stafi mjekësor, gjendja e tij është jashtë rrezikut për jetën.

Njësitet kompetente policore kanë dalë në vendin e ngjarjes dhe kanë ndërmarrë veprimet e nevojshme hetimore në lidhje me rastin.

Me urdhër të prokurorit të te krimeve të rënda, trupi i pajetë i viktimës është dërguar për obduksion në Institutin e Mjekësisë Ligjore në Prishtinë.