Kryetarja e Kuvendit, Albulena Haxhiu, ka njoftuar krijimin e 16 komisioneve parlamentare, duke bërë legjislaturën e X-të plotësisht funksionale.
Ajo theksoi se komisionet do të jenë shtylla kryesore e punës legjislative dhe mbikëqyrëse, duke ftuar grupet parlamentare për bashkëpunim në shërbim të qytetarëve.
Postimi i plotë:
Sot, pas njoftimit për formimin e grupeve parlamentare, proceduam me themelimin e komisioneve parlamentare, duke i hapur rrugë funksionalizimit të plotë të Kuvendit të Republikës së Kosovës.
Me miratimin në seancën plenare, Kuvendi i Republikës së Kosovës do t’i ketë gjithsej 16 komisione parlamentare, të cilat do të jenë shtylla kryesore e punës legjislative dhe mbikëqyrëse.
Me përgjegjësi të lartë institucionale, me bashkëpunim ndërmjet të gjitha grupeve parlamentare dhe me angazhim të përbashkët, nisim punën e Legjislaturës X, të vendosur për rezultate konkrete, gjithmonë në shërbim të qytetarëve dhe Republikës.
