Para shpërthimit të zjarrit në kampin me tenda, ku janë vendosur militantët e SNS, partisë së Vuçiqit, të cilët pretendojnë se “po e mbrojnë” presidentin e tyre, janë dëgjuar të shtëna armësh, një person është arrestuar.
Kampi është vendosur në qendër të Beogradit, para Kuvendit të Serbisë.
Sipas pamjeve të publikuara nga deputetët që ndodheshin në seancën e Kuvendit të Serbisë, janë dëgjuar të shtëna armësh, por nuk mund të konfirmojnë nëse është përdorur armë zjarri.
Nga Ministria e Punëve të Brendshme i është thënë N1 se nuk kanë informacion nëse ka pasur të shtëna.
Në pamjet e publikuara nga partia “Qendra e Serbisë” (SRCE), shihen policë duke arrestuar një person.