Ministri i Punëve të Brendshme, Xhelal Sveçla, ka pretenduar se dikasteri që ai drejton ka të arritura të cilat evidentohen në Raportin e Progresit.
Këto deklarata ai i bëri në seancën e Kuvendit të Kosovës, ku mes tjerash foli për masat ndëshkuese që Bashkimi Evropian i kishte vendosur ndaj Kosovës.
Sveçla pretendoi se edhe vetë BE-ja “e kishte pranuar” se këto masa ishin gabim.
“Nuk pajtohem me ministrin Basha, i cili tha na kanë sulmu për veri, po vazhdojnë me na sulmu për punën tonë në veri. Nuk po du me folë për të arriturat e dikasterit që unë mbuloj, janë të qarta në raportin e Progresit, është lehtë i kuptueshëm. Me folë për masa ndëshkuese, duhet me folë edhe për arsyen e tyre. Pastaj, lind pyetja, çka kemi qenë të gatshëm të bëjmë për veriun?
Ne paskemi sjellë masa ndëshkuese për të cilat edhe vetë BE-ja ka pranu që ka qenë gabim. Tash, pyetja për secilin prej nesh është çfarë kemi qenë të gatshëm të paguajmë dhe të bëjmë për 17 për qind të territorit të Kosovës”, tha ai
