Gazetari slloven, Luka Pers ka folur për skandalin e ambasadorit të Kosovës në Kroaci, Martin Berishaj i cili dyshohet për shpëlarje parash dhe korrupsion.
Ai tha se në këtë rast u përdorën strategjikisht lidhjet me Albin Kurtin.
“Siç më kujtohet, Gen ka përdorur në mënyre strategjike lidhjet politike në Kosovë, sidomos lidhjen e dukshme që kishte me kryeministrin e tashëm të saj, Albin Kurti”, tha Pers për Spotlight në T7.
“Nëse mu kujtohet mirë, diku rreth 20 milion euro u kanë transferuar degëve të Gen në Tiranë dhe Kosovë gjatë 2015 deri më 2022, por arsyeja e transferit është ende e paqartë. Në atë kohë mbeta duke i bërë vetës disa pyetje: çfarë i ndodhën ato 81 milion euro që selia e Gen ua dërguan filialet në Tiranë, Beograd dhe Sarajevë? Ato para u zhdukën pa asnjë provë”, shton ai.
“Ndoshta do ketë aktakuzë ndaj kryeministrit Robert Golob. Po nëse kjo ndodhë, besoj që do të mbyllet kur të fillojnë zgjedhjet në prill të 2026-tës.”, përfundon ai.
