Shukri Buja takon strukturat e PDK-së në Gllavicë dhe Marevc: Premton investime dhe fitore të sigurt në zgjedhje

Kandidati i PDK-së për Komunën e Lipjanit, Shukri Buja, ka zhvilluar takime me shtabin dhe strukturat e partisë në fshatrat Gllavicë dhe Marevc, ku është diskutuar organizimi dhe mobilizimi për zgjedhjet e ardhshme.

Gjatë këtyre takimeve, Buja ka theksuar rëndësinë e angazhimit të përbashkët drejt një fitoreje të sigurt për PDK-në, duke theksuar se Gllavica dhe Marevci do të kenë një vend të veçantë në planet zhvillimore të qeverisjes së ardhshme komunale.

“Takim me shtabin e PDK-së në Gllavicë dhe Marevc

Së bashku me strukturat tona diskutuam për organizimin dhe mobilizimin drejt fitores së sigurt në zgjedhjet e ardhshme.

Gllavica dhe Marevci do të jenë pjesë e planeve tona të zhvillimit, ku investimet do të rriten ndjeshëm, sepse qytetarët e këtyre lokaliteteve meritojnë më shumë.

PDK-ja është garancia e ndryshimit dhe e zhvillimit, dhe bashkë do të ecim drejt një të ardhme më të mirë për të gjithë.”, shkroi ai.