Pjesëtarë të komunitetit shqiptaro-amerikan në New York do të organizojnë një protestë paqësore të martën, më 22 shtator, përpara selisë së Kombeve të Bashkuara.
Protesta do të mbahet në Dag Hammarskjöld Plaza, në E. 47th St., mes 1st dhe 2nd Ave., duke filluar nga ora 18:00.
Sipas organizatorëve, qëllimi i protestës është që pjesëtarët e komunitetit shqiptar të mblidhen së bashku dhe të shprehin qëndrimet dhe shqetësimet e tyre lidhur me vendimin e fundit gjyqësor ndaj ish-krerëve të UÇK-së.
Organizatorët kanë ftuar komunitetin shqiptar në New York që t’i bashkohet protestës paqësore.
