Shoqata e Familjeve të Dëshmorëve – Dega Malishevë, i ka reaguar ashpër Nefail Maliqit, për fyerjen e rëndë, të qëllimshme dhe të përsëritur ndaj dëshmorëve të Kombit Mujë Krasniqi dhe Beqir Gashi, transmeton DEMOS.
“Këto deklarata përbëjnë cenim të rëndë të dinjitetit kombëtar, nxitje për përçarje dhe poshtërim publik të sakrificës së luftës çlirimtare. Askush nuk ka të drejtë të tallet me gjakun e derdhur për lirinë që sot e shijon.”, thuhet në reagim.
Reagimi i plotë:
SHOQATA E FAMILJEVE TË DËSHMORËVE
DEGA MALISHEVË
REAGIM DHE PARALAJMËRIM PUBLIK
Shoqata e Familjeve të Dëshmorëve – Dega Malishevë, reagon me forcë maksimale dhe lëshon PARALAJMËRIM ZYRTAR ndaj Nefail Maliqit, për fyerjen e rëndë, të qëllimshme dhe të përsëritur ndaj Dëshmorëve të Kombit Mujë Krasniqi dhe Beqir Gashi.
Le të kuptohet qartë nga të gjithë:
Kjo është vijë e kuqe.
Dëshmorët janë të shenjtë.