Kryetari i Skenderajt, Sami Lushtaku ka reaguar përmes një postimi publik në mbështetje të studentëve shqiptarë në Maqedoninë e Veriut, duke theksuar se zëri i tyre është “zë i dinjitetit, i barazisë dhe i mbrojtjes së të drejtave”.
Ai ka deklaruar se i mbështet plotësisht protestat dhe kërkesat e studentëve për mosprekjen e gjuhës shqipe dhe garantimin e zbatimit të saj si gjuhë zyrtare, ashtu siç përcaktohet me Kushtetutë dhe ligjet në fuqi të Maqedonisë së Veriut.
“Gjuha shqipe është gjuhë zyrtare, një e drejtë e fituar dhe e garantuar. Çdo tentativë për ta ndryshuar apo anashkaluar atë është e papranueshme”, ka shkruar Lushtaku.
Postimi i plotë:
Sot, zëri i studentëve shqiptarë në Maqedoninë e Veriut është zë i dinjitetit, i barazisë dhe i mbrojtjes së të drejtave që burojnë nga Kushtetuta dhe ligjet e Maqedonisë së Veriut.