Sa vota arriti ti ketë djali i Hysni Gucatit?

Musli Gucati, djali i Hysni Gucatit nuk arriti që ti sigurojë votat që të bëhet deputet.

Pas rezultatit zgjedhor Gucati reagoi me një shkrim në ”Facebook”.

Shkrimi I plotë:

Të nderuar qytetarë të Republikës së Kosovës,

Ju shpreh mirënjohjen time të thellë për secilin prej jush që gjatë procesit zgjedhor na hapët dyert e shtëpive tuaja, na dëgjuat me respekt dhe na dhatë mbështetjen tuaj. Pavarësisht rezultatit, falënderimi im është i sinqertë për besimin, përkrahjen dhe kritikat konstruktive që m’i keni dhënë mua dhe Partisë Demokratike të Kosovës.

Ky komunikim i drejtpërdrejtë me qytetarët përbën themelin e demokracisë dhe një përgjegjësi të madhe për të gjithë ne që angazhohemi në jetën publike. Unë do të vazhdoj të mbetem i përkushtuar në shërbim të vendit, duke punuar me përgjegjësi dhe integritet për një Kosovë më demokratike, më të zhvilluar dhe më të drejtë për të gjithë.

E ardhmja e Kosovës ndërtohet me punë, unitet dhe besim në vlerat tona. Me këtë bindje, do të vazhdojmë përpara, për shtetin dhe qytetarët tanë.

Ju faleminderit!