Rreth 70% e familjeve në Prishtinë të pakënaqura me ngrohjen

Prishtina i është bashkuar përpjekjeve të United Nations Development Programme (UNDP) në Kosovë për të rritur vetëdijen e qytetarëve mbi kursimin e energjisë dhe përmirësimin e kushteve të ngrohjes në shtëpi.

Sipas të dhënave të publikuara, rreth 70 për qind e familjeve në kryeqytet shprehen të pakënaqura me sistemin aktual të ngrohjes.

Ky vlerësim thekson nevojën për investime në efiçiencën e energjisë dhe në masa që sigurojnë ngrohje më cilësore dhe më të qëndrueshme.

Komuna e Prishtinës u ka bërë thirrje qytetarëve për bashkëpunim dhe angazhim të përbashkët, me synimin për ndërtimin e një mjedisi urban më të gjelbër dhe përmirësimin e cilësisë së jetës.