Korporata Energjetike e Kosovës ka njoftuar se është kthyer në funksion edhe blloku A3, pas përfundimit të sanimeve dhe ndërhyrjeve teknike pas ndaljes së përkohshme.
Në njoftim thuhet se njësia është startuar me sukses dhe sinkronizuar me rrjetin rreth orës 06:47, duke respektuar të gjitha standardet operacionale dhe parametrat e sigurisë.
Me kthimin e këtij blloku në funksion, KEK ka thënë se po operon me pesë blloqet.
“Me rifillimin e operimit të A3, KEK sh.a. rikthen operimin me pesë (5) njësi gjeneruese aktive: A3, A4, A5, B1 dhe B2, për aq kohë sa lejojnë parametrat operacionalë, duke garantuar vazhdimësinë e prodhimit, stabilitetin dhe qëndrueshmërinë e plotë të sistemit elektroenergjetik. Ky rezultat tregon aftësinë profesionale të ekipeve teknike dhe menaxhuese për të kryer ndërhyrje preventive dhe riparime të nevojshme në kohë optimale”, thuhet në njoftim.
