Reshjet e shiut, komuna e Skenderajt me thirrje për banorët që jetojnë afër lumit “Klina”

Komuna e Skenderaj iu ka bërë thirrje banorëve që jetojnë në afërsi të lumit “KLINA” të tregojnë kujdes të shtuar, shkruan Demos.

Sipas komunës rekomandohet që, sipas mundësive, banorët të evakuohen përkohësisht nga zonat e rrezikuara.

Njodtimi i plotë:

LAJMËRIM

Të nderuar banorë të Komunës së Skenderajit,

Duke marrë parasysh përkeqësimin e situatës së lumit Klina dhe rrezikun e mundshëm nga rritja e nivelit të ujit, u bëjmë thirrje të gjithë banorëve që jetojnë në afërsi të lumit të tregojnë kujdes të shtuar.

Rekomandohet që, sipas mundësive, banorët të evakuohen përkohësisht nga zonat e rrezikuara, me qëllim të shmangies së pasojave të mundshme dhe ruajtjes së sigurisë së jetës dhe pronës.

Numra kontakti për emergjencë:

• Zjarrfikësit: 193

• Policia e Kosovës: 192

• Ndihma e Shpejtë: 194