Si pasojë e motit të ftohët, e reshjeve të dendura të borës, një person ka mbetur i bllokuar në një nga bjeshkët e Istogut, së bashku me bagëtitë e tij.
Lajmin e ka konfirmuar zëdhënësi i Policisë së Kosovës për rajonin e Pejës, Fadil Gashi.
Ai tha se ekipet emergjente janë nisur menjëherë për në vendin e ngjarjes.
“Policia e ka kuptuar përmes rrjeteve sociale për rastin, dhe menjëherë është nisur për Kuvendin Komunal të Istogut, ku edhe është njoftuar drejtori për Emergjenca. Ekipet emergjente tashmë janë nisur për në vendin e ngjarjes”, tha Gashi.