Ramush Haradinaj uron besimtarët për Pashkët Ortodokse

Kryetari i Aleancës për Ardhmërinë e Kosovës, Ramush Haradinaj, ka uruar të gjithë besimtarët që festojnë Pashkët Ortodokse.

Përmes një postimi në rrjetin e tij social Facebook, ai uroi qytetarët e Kosovës dhe gjithë bashkëkombësit shqiptarë që sot kremtojnë këtë festë, duke iu dëshiruar shëndet, paqe dhe begati në familjet e tyre.

Me këtë rast, Haradinaj ka shprehur urime edhe për miqtë ndërkombëtarë që shërbejnë në misione të ndryshme në Kosovë.

“Kremtofshi në paqe, pranë familjeve tuaja, me shëndet, begati dhe mirësi”, thuhet në urimin e tij.