Ramadani pas aktakuzës për sulmin në “Ibër Lepenc”: Përgjigja shtetërore nuk duhet të jetë e zakonshme!

Në dosje thuhet se koloneli serb akuzohet edhe për spiunazh, duke mbledhur informacione dhe dokumente të klasifikuara për aktivitete kundërligjore në Kosovë.

Sulmi terrorist në Ibër Lepenc, ish-kryeinspektori i Agjencisë së Kosovës për Inteligjencë Burim Ramadani, tha se ky sulm ishte ndaj sigurisë tonë kombëtare dhe përgjigja e shtetit nuk duhet të jetë e zakonshme.

“Këto situata nuk janë të zakonshme dhe as përgjigja shtetërore nuk duhet të jetë e zakonshme. Pra, duhet koordinim mes krejt institucioneve të shtetit”, deklaroi Ramadani.

Ramadani tha se duhet të ketë koordinim me institucioneve shtetërore në mënyrë që rasti të marrë vëmendjen e duhur ndërkombëtare.

“Koordinimi dhe bashkëveprimi i sektorit të sigurisë dhe Prokurorisë, në mënyrë që rasti të jetë i fuqishëm jo vetëm në Gjykatën e Kosovës, por edhe të jetë argumentues në arenën ndërkombëtare” , tha ai për Klankosova.

Ish-kryeinspektori i AKI-së e mirëpriti ngritjen e aktakuzës nga PSRK-ja.

“Është për t’u përshëndetur Prokuroria Speciale e Kosovës për ngritje të aktakuzës për veprat penale “Rrezikimi i rendit kushtetues me shkatërrimin apo dëmtimin e instalimeve dhe pajisjeve publike”, “Kryerja e veprës terroriste”, “Armëmbajtje pa leje”, dhe “Spiunazh””, theksoi Ramadani.