Një grua është sulmuar mëngjesin e sotëm nga qentë endacak brenda oborrit të QKUK-së.
Sulmi saktësisht ka ndodhur te Klinika e Ortopedisë herët në mëngjes, në orën 06:00.
Në pamjet e publikuara shihet kur një person tjetër i shkon në ndihmë gruas e cila sapo ishte sulmuar.
E sulmuara në momentin e sulmit ishte me paterica.
44 raste të lëndimeve nga qentë endacakë kanë ndodhur nga fillimi i vitit 2026 e deri më tash, kanë njoftuar drejtues të Qendrës Emergjente në Prishtinë.
E gjatë vitit 2025 numri i të lënduarve si pasojë e kafshimeve të qenve është 128.
Por shifra ndryshe kanë dhënë në Qendrën Kryesore të Mjekësisë Familjare në Prishtinë. Sipas njësisë së vaksinimit në QKMF, vetëm gjatë muajit prill janë vaksinuar 15 persona pas kafshimeve nga qentë endacakë, ndërsa nga janari deri në prill 67 persona, që mesatarisht i bie mbi 15 sulme të qenve në muaj.
