“Që nga paslufta, nuk ka pasur gjendje më të rëndë”, Naim Bytyqi alramon pas mungesës së ujit në Pejë

Asambleisti i AAK-së në Pejë, njëherit kandidat edhe për një tjetër mandat, Naim Bytyqi ka reaguar ashpër për mungesën e ujit të pijshëm në Pejë, duke thënë se kjo gjendje e ka rënduar shumë jetën e qytetarëve këto ditë.

Ai përmes reagimit të tij iu drejtua Hidrodrinit, duke i kërkuar të merren shumë seriozisht me këtë çështje, dhe të zgjidhet problemi kur dihet se Peja rrethohet nga burimet e ujit.

“Që nga paslufta nuk ka pasur mungesë kaq të madhe të ujit të pijshëm në lagjet dhe fshatrat e komunës së Pejës. Kjo situatë dhe ky keqtrajtim që po u bëhet qytetarëve është i papranueshëm. Ne jemi me qytetarët në mbështetje të kërkesave të tyre, aty ku janë qytetarët, jemi edhe ne”, tha ai.

I njëjti gjithashtu shtoi se qytetarët janë duke i menduar edhe protestat.