Deputetja e Lëvizjes Vetëvendosje, Arbërie Nagavci, ka dhënë arsyetimin për vendimin e partisë së saj që të mos e votojë Vlora Çitakun e PDK-së për postin e nënkryetares së Kuvendit të Kosovës.
Nagavci ka deklaruar se vendimi nuk lidhet me ndonjë “inat nga e kaluara”, duke theksuar se VV-ja kishte qenë e gatshme ta mbështeste Çitakun edhe për pozitën e kryetares së Kuvendit, në kuadër të një marrëveshjeje politike.
“Nuk ka të bëjë aspak me inat nga e kaluara. Përkundrazi, ju e dini që kryeministri Kurti dhe Lëvizja ka qenë e gatshme që zonjën Çitaku ta votonin edhe për kryetare të Kuvendit”, u shpreh Nagavci.
