Policia e Kosovës ka njoftuar se brenda pak ditëve, janë raportuar pesë raste të dhunës në familje.
Rastet raportohen të kenë ndodhur në Obiliq, Istog, Pejë, Rahovec e Malishevë.
Ndërkohë, pesë burra u arrestuan pas marrjes së informatave për dhunë në familje.
Rastet i gjeni më poshtë:
Obiliq / Lidhur me rastin me 30.12.2025 është arrestuar i dyshuari mashkull kosovar dhe i njëjti me vendim të prokurorit dërgohet në mbajtje.
Istog / Është arrestuar i dyshuari mashkull kosovar, pasi që kishte ushtruar dhunë psikike dhe fizike ndaj bashkëshortes së tij. Nga viktima është sekuestruar një qese me substancë narkotike e llojit marihuanë. Me vendim të prokurorit pas intervistimit palët janë liruar dhe rasti shkon në procedurë të rregullt.
Pejë / Është arrestuar i dyshuari mashkull kosovar, pasi që i njëjti pas një mosmarrëveshje ka ofenduar dhe kanosur bashkëshorten e tij. Me vendim të prokurorit, rasti shkon në procedurë të rregullt.
Rahovec / Është arrestuar i dyshuari mashkull kosovar, pasi që ka sulmuar fizikisht bashkëshorten e tij. Viktima është dërguar në Spitalin e Gjakovës për tretman mjekësor. Me vendim të prokurorit i dyshuari është dërguar në mbajtje.
Malishevë / Është arrestuar i dyshuari mashkull kosovar, pasi që kishte ushtruar dhunë fizike ndaj bashkëshortes së tij. Viktima ka pranuar tretman mjekësor. Me vendim të prokurorit, i dyshuari është dërguar në mbajtje.
