Plagoset me armë zjarri një person në Fushë Kosovë

Një person është plagosur mbrëmjen e sotme në fshatin Miradi e Epërme në Fushë Kosovë.

Lajmin e ka konfirmuar, zëdhënësi i policisë, Enis Pllana i cili tha se plagosja dyshohet të jetë shkaktuar nga arma e zjarrit.

Pllana tha se personi i lënduar është dërguar për tretman mjekësor, ndërkohë që njësitet policore janë duke ndërmarrë veprimet e nevojshme hetimore për të sqaruar rrethanat e rastit.

“Rreth orës 21:00, Policia ka pranuar informatën për plagosje në fshatin Miradi e Epërme në Fushë Kosovë. Njësitet policore kanë dalë menjëherë në vendin e ngjarjes, ku sipas informacioneve fillestare një person ka mbetur i lënduar, që dyshohet të jetë plagosur me armë zjarri. Personi i lënduar është dërguar për tretman mjekësor, ndërkohë që njësitet policore janë duke ndërmarrë veprimet e nevojshme hetimore për të sqaruar rrethanat e rastit.”, tha ai.