Fluksi në pikat e kalimit kufitar të Kosovës paraqitet kryesisht i qetë, me pritje të shkurtra për automjetet dhe pa kolona të konsiderueshme.
Të dhënat e fundit u përditësuan sonte në orën 22:39, raporton IndeksOnline.
Në shumicën e pikave kufitare, pritjet për hyrje dhe dalje të automjeteve variojnë nga 3 deri në 5 minuta. Në disa pika, si Glloboqica, Mucibaba dhe Stançiqi, pritja raportohet rreth 5 minuta.
Përjashtim bën pika kufitare Dheu i Bardhë, ku pritjet për automjete në hyrje janë 5–10 minuta, ndërsa në dalje arrijnë në 25–30 minuta. Në këtë pikë raportohet edhe kolonë prej rreth 100 metrash në dalje.
