Janë përkujtuar të mërkurën 24 civilët e misioneve humanitare të cilët vdiqën si pasojë e rrëzimit të aeroplanit të Kombeve të Bashkuara në veri të Kosovës më 12 nëntor 1999.
Ky aeroplan po vinte nga Roma bashkë me personelin dhe ndihmat humanitare në vendin e sapodalë nga lufta.
Misioni i UNMIK-ut në Kosovë e ka përkujtuar këtë tragjedi të pra 26 vjetëve.
“Në një mëngjes me mjegull, të ftohtë të premten, 12 nëntor 1999, një aeroplan me njerëz nga e gjithë bota, kryesisht punëtorë ndërkombëtarë humanitarë dhe ndihmës, duke mbërritur nga Roma në Prishtinë në Fluturimin 3275. Misioni i tyre ishte të mbështesnin operacionet lehtësuese në Kosovë. Tragjikisht, aeroplani nuk arriti asnjëherë në Aeroportin e Prishtinës. Pak minuta para uljes, fluturimi WFP u rrëzua në Shalën e Bajgorës, duke bërë që të vdesin të gjithë 24 personat në bord, duke tronditur komunitetin ndërkombëtar”, thuhet në komunikatën e UNMIK-ut.
Zëvendëspërfaqësuesi special i sekretarit të përgjithshëm i UNMIK-ut, Milbert Dongjoon Shin, ka udhëhequr një delegacion në vendin e rrëzimit të aeroplanit 1999 për t’u bërë homazhe atyre që kanë humbur jetën.
