Përfundon numërimi edhe në 9 qendra komunale, këto janë rezultatet

Komisioni Qendror i Zgjedhjeve (KQZ) ka njoftuar se procesi i verifikimit dhe numërimit të votave ka përfunduar në 22 Qendra Komunale të Numërimit (QKN), ku deri më tani janë procesuar 1,790 nga gjithsej 2,498 vendvotime.

Sipas KQZ-së, pas përfundimit të numërimit në secilin vendvotim, të dhënat po transmetohen në platformën zyrtare të rezultateve.

Deri në orën 16:00 të së mërkurës, procesi është përmbyllur në komunat: Deçan (48/48), Dragash (57/57), Kamenicë (46/46), Graçanicë (33/33), Klinë (62/62), Viti (62/62), Kaçanik (44/44), Rahovec (75/75) dhe Leposaviq (25/25).

Megjithatë, procesi i verifikimit dhe numërimit ende nuk ka përfunduar në 16 QKN të tjera.

Sipas të dhënave të publikuara, numërimi po vazhdon në Istog (56/60), Fushë Kosovë (43/62), Skenderaj (57/71), Malishevë (46/72), Drenas (60/73), Lipjan (67/83), Suharekë (59/86), Vushtrri (58/89), Mitrovicë e Jugut (80/100), Podujevë (80/103), Gjilan (64/127), Pejë (97/135), Gjakovë (84/144), Ferizaj (101/146), Prizren (101/232) dhe Prishtinë (82/262).