VV ka vazhduar me përpjekjen për votim të fshehtë për zgjedhjen e Kryetarit të Kuvendit. Partitë tjera, si PDK, LDK, AAK dhe Lista Serbe s’kanë propozuar fare anëtarë për Komisionin për votim të fshehtë.
Në sallë ishin 100 deputetë.
“51 deputetë për, kundër s’ka, abstenime s’ka. Ndërpritet seanca”, tha Dehari.
E propozuara e VV-së për këtë pozitë vazhdon të mbetet Albulena Haxhiu.
Ndryshe, të martën e 15 korrikut u bënë tre muaj që kur është bllokuar funksionalizimi i parlamentit, dhe as takime mes liderëve të partive të thirrura nga kreu i VV-së, Albin Kurti, e as takimet e thirrura nga presidentja Vjosa Osmani, deri më sot, nuk i gjetën zgjidhje këtij ngërçi politik.
