Janë përfshirë nga zjarri disa zona të fshatit Temeqinë dhe Ngucat të Malishevës.
Këtë e ka bërë të ditur zyrtarja e lartë për media dhe marrëdhenie me publikun, Vlera Krasniqi, e cila njoftoi se zjarrfikësat kanë dalë në vendin e ngjarjes dhe janë duke ndërmarrë të gjitha veprimet e nevojshme për lokalizimin dhe shuarjen e zjarrit.
“Sot me datë 07 korrik 2025 kemi pranuar informatën që në fshatet Temeqinë dhe Ngucat në Komunën e Malishevës në 3 zona janë përfshirë nga zjarri”.
“Njësitë relevante të Policisë dhe Zjarrfikësat kanë dalë në vendin e ngjarjes dhe janë duke ndërmarrë të gjitha veprimet e nevojshme për lokalizimin dhe shuarjen e zjarrit, si dhe për garantimin e sigurisë së qytetarëve dhe pronës së tyre”, thuhet tutje në konfirmim.
