Kandidati i PDK-së për kryetar të komunës së Lipjanit, Shukri Buja ka folur rreth vendimit të tij për t’u rikthyer sërish në garë për të parin e kësaj komune.
Duke kujtuar ecejakën e tij politike, Buja shpejgoi proceset me të cilat u përball për më shumë se një dekadë, ku theks të veçantë i dha procesit në Dhomat e Specializuara.
“Miqtë menjëherë pas zgjedhjeve lokale në 2013 kur u largova nga komuna, në vitin 2014 kam fituar për deputet në Parlamentin e Kosovës, kam qenë deri në zgjedhjet tjera 2016, dhe nuk kam kandidu për shkak të akuzave që më janë ngritur, teksa në vitin 2019 kam qenë këshilltar politik i presidentit Thaçi, dhe pas arrestimit të tij kam pasur një periudhë bukur të rëndë të hetimeve nga Dhomat e Specializuara deri në pesë vite, derisa ka përfunduar edhe ky proces”, tha Buja.
Ai gjithashtu deklaroi se gjatë kësaj periudhe ka qenë në rrjedha politike por që ka vendosur të qëndrojë larg mediave për shkak të hetimeve nga Dhomat e Specializuara.