Kalo te përmbajtja
Demos
Keni lajm?
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Menyja
  • Ballina
  • Çka ka 3?
  • Lajme
  • Ndërkombëtare
  • Sport
  • Video
  • Magazine
  • Teknologji
  • Stil
  • Këndvështrime
Pamja
Demos

Gazeta Demos ngadalë por sigurt, po bëhet burim i besueshëm i informacionit, i hapur ndaj opinionit publik, duke i trajtuar të gjithë të barabartë. Gazeta Demos është shenjë identifikuese e fjalës së lirë, gjithnjë në frymën e demokracisë prej nga buron edhe emri i saj.

Rubrikat

VideoLajmeNdërkombëtareSportMagazineTeknologjiStilKëndvështrime

Demos

Rreth neshPolitika editorialeKontaktPrivatësiaKeni lajm?
Gazeta Demos SH.P.KRr. “Uran Ajeti”, 68, Prishtinëinfo@gazetademos.commarketing@gazetademos.comTel: +383 48 579 555
© 2026 Demos. Të gjitha të drejtat e rezervuara. v 1.0.2
Lajme

PDK: Kurti e vendosi vullnetin partiak mbi Kushtetutën e Kosovës

GD
Gazeta Demos7 gusht 2026 në 18:48
PDK: Kurti e vendosi vullnetin partiak mbi Kushtetutën e Kosovës

Partia Demokratike e Kosovës ka shprehur shqetësim, si thonë ata, për shkeljen e radhës të rendit kushtetues nga Lëvizja Vetëvendosje, e cila sot refuzoi të respektojë afatin e përcaktuar nga Aktgjykimi i Gjykatës Kushtetuese për konstituimin e Kuvendit të Republikës së Kosovës.

“Gjykata Kushtetuese ka qenë e qartë: Kuvendi duhet të konstituohet brenda 30 ditëve nga certifikimi i rezultateve zgjedhore. Ky afat përfundon sonte. Në vend të respektimit të këtij detyrimi kushtetues, shumica parlamentare zgjodhi ta shpërfillë vendimin e Gjykatës dhe, përmes deputetit më të vjetër si kryesues i seancës solemne, e caktoi vazhdimin e seancës për nesër, pasi afati të ketë skaduar”, thuhet në komunikatë.

Partia Demokratike e Kosovës, thekson se kundërshton fuqishëm këtë veprim, i cili nuk është vetëm shkelje e Aktgjykimit të Gjykatës Kushtetuese, por, sipas tyre, edhe një precedent i rrezikshëm për funksionimin e shtetit ligjor.

“Askush nuk mund ta vendosë veten mbi Kushtetutën dhe aq më pak ata që kanë detyrimin e parë ta mbrojnë dhe ta zbatojnë atë. Për fat të keq, edhe një herë po dëshmohet se Albin Kurti e ka vendosur vullnetin partiak mbi Kushtetutën e Republikës dhe interesin partiak mbi interesin shtetëror. Është për keqardhje që një subjekt politik, i cili ka marrë besim nga qytetarët për t’i krijuar institucionet e reja, po e mban peng Republikën e Kosovës për shkak të kalkulimeve të veta politike, duke e zvarritur krijimin e tyre dhe duke prodhuar pasiguri kushtetuese”, thuhet nga PDK.

Për Partinë Demokratike të Kosovës, Kushtetuta, thotë se nuk është çështje interpretimi politik, por themeli i rendit demokratik dhe juridik të shtetit.

“Prandaj, ashtu si në çdo rast kur është cenuar rendi kushtetues, edhe kësaj radhe PDK nuk do të qëndrojë duarkryq. Mbrojtja e Kushtetutës dhe e shtetit të së drejtës është detyrim ndaj qytetarëve dhe ndaj Republikës së Kosovës. Kosova ka nevojë për institucione funksionale, stabilitet politik dhe respektim të ligjit. Nuk ka demokraci funksionale aty ku vullneti i një partie vedoset mbi Kushtetutën e Kosovës. Për fat të keq, sot Albin Kurti sërish zgjodhi pikërisht këtë rrugë”, thotë PDK

kosovëspartiakkushtetutën

Të ngjashme

Maqedonci në Bruksel kërkon njohjen nga Ukraina: Njohja e Kosovës do të lehtësonte bashkëpunimin

Maqedonci në Bruksel kërkon njohjen nga Ukraina: Njohja e Kosovës do të lehtësonte bashkëpunimin

23:22
Lëvizjet në Policinë e Kosovës, Basri Shabani emërohet drejtor rajonal në Prizren

Lëvizjet në Policinë e Kosovës, Basri Shabani emërohet drejtor rajonal në Prizren

23:12
Në profilin e Hashim Thaçit kthehet fotografia me uniformë: Jam krenar që kam qenë ushtar i Ushtrisë Çlirimtare të Kosovës

Në profilin e Hashim Thaçit kthehet fotografia me uniformë: Jam krenar që kam qenë ushtar i Ushtrisë Çlirimtare të Kosovës

20:40
Shiroka Pula takon ambasadoren e Finlandës: Anëtarësimi në NATO, prioritet i Kosovës

Shiroka Pula takon ambasadoren e Finlandës: Anëtarësimi në NATO, prioritet i Kosovës

17:41

Më shumë nga Lajme

  • 09:10Me thikë në dorë, tenton të kryejë grabitje në Lipjan – Policia interviston dëshmitaren
  • 09:09Ndalohen tre shtetas të Serbisë në Kamenicë, dyshohet se hynë ilegalisht në Kosovë
  • 09:07Zhduket një grua në Fushë-Kosovë, policia nis hetimet
  • 09:04​Hasani para vendimit për “Thaçi 2”: Ka shumë mundësi që të dënohen ata në Hagë, Specialja ka logjikë politike
  • 08:58Arrestohen dy të dyshuarit për grabitjen e armatosur në Gjakovë