Pamje të rënda: Publikohet momenti kur ish-nxënësi gjuan me armë, e plagos në korridor mësuesin në Turqi

Disa pamje të publikuara në mediat sociale thuhet se tregojnë momentin e të shtënave nga të cilat mbetën disa të plagosur në një shkollë në Turqi.

Pamjet video treguan nxënës që iknin nga shkolla ndërsa ambulancat dhe automjetet e policisë mbërritën në vendngjarje.

Sipas raportimeve të mediave botërore, përcjell Telegrafi, një adoleshent hapi zjarr në një shkollë të mesme në provincën juglindore të Turqisë, Sanliurfa, të martën, duke plagosur të paktën 16 persona, përfshirë nxënës dhe mësues, përpara se të vriste veten, tha guvernatori Hasan Sildak.

Şanlıurfa'nın Siverek ilçesinde liseye yapılan ve 16 kişinin yaralandığı silahlı saldırı anı güvenlik kamerasına yansıdı #Şanlıurfa #Saldırı #Yaralı pic.twitter.com/ICa3PU9N0b

Sulmuesi, një ish-nxënës 19-vjeçar, përdori një pushkë gjahu në sulmin në lagjen Siverek.

Të plagosurit u dërguan në spital, ndërsa pesë prej tyre u transferuan më vonë në qendrat e qytetit të Sanliurfas për trajtim të mëtejshëm, tha Sildak.

Ai më vonë i tha transmetuesit NTV se sulmuesi hapi zjarr pa dallim, duke filluar nga oborri i shkollës përpara se të hynte në ndërtesë.

Ai qëlloi vrau veten ndërsa policia u përpoq ta arrestonte, shtoi Sildak.

Sildak tha se sulmuesi nuk kishte precedentë të mëparshëm penalë dhe se shkolla ishte klasifikuar më parë si e sigurt nga policia.