Kandidati i LDK-së për kryetar të Fushë Kosovës, Besnik Osmani ka vizituar sot disa biznese në këtë komunë, ku u njoftua nga afër me punën e tyre.
Osmani tregoi se gjatë këtyre takimeve, ai gjeti rastin të prezantojë programin e tyre për qeverisje në këtë komunë.
“Derë më derë, nga një biznes te tjetri e nga një lagje në tjetrën, po vazhdojmë me përkushtim prezantimin e programit tonë qeverisës. Sapo kemi vizituar disa biznese shumë të suksesshme – nga shërbimet tregtare deri te metalpërpunimi dhe ngjyrat — të cilat punësojnë staf nga komuna jonë dhe eksportojnë produktet e tyre jashtë vendit”, tha ai.