Osmani takon ministrin e Arabisë Saudite, flasin për tërheqjen e investimeve të reja në Kosovë

Presidentja e Kosovës, Vjosa Osmani, ka takuar Ministrin e Ekonomisë dhe Planifikimit të Arabisë Saudite, Faisal bin Fadhil Alibrahim, në kuadër të forumit Berlin Global Dialogue .

Gjatë takimit, Osmani falënderoi ministrin për mbështetjen që Arabia Saudite i ka dhënë Kosovës ndër vite dhe nënvizoi rëndësinë e bashkëpunimit ekonomik mes dy vendeve.

“E falënderova për mbështetjen që Arabia Saudite i ka dhënë Kosovës ndër vite dhe theksova rëndësinë e hapjes së kapitujve të rinj të bashkëpunimit ekonomik mes dy vendeve”, deklaroi ajo.

Presidentja gjithashtu diskutoi mundësitë që platforma Future Investment Initiative, që do të mbahet së shpejti në Riad, ofron për Kosovën.

“Diskutuam për mundësitë që kjo platformë ofron për Kosovën për të tërhequr investime të reja dhe për të forcuar lidhjet me tregjet globale.”, shkroi ajo tutje.